நூலகர் செய்திமடல் 21

 ஆசிரியர் உரை:

அனைவருக்கும். வணக்கம்.

 கடந்த வாரம் பொது நூலக இயக்குநர் சேலம் மாவட்டம் மைய நூலகத்தை திடீர் என்று ஆய்வு செய்தார்.  மாவட்ட மைய நூலகர் பணிநீக்கம் செய்யப்பட்டு, இதர நூலகர்கள் பணி மாறுதல் செய்யப்பட்டதாக தகவல்கள் வெளியாகின.‌  திரு. க. இளம்பகவத் அவர்கள் பொது நூலக இயக்குநராக பொறுப்பேற்று இரண்டு ஆண்டுகளுக்கு மேல் ஆகிறது. இதுவரை எந்த நூலகர் மீதும் இப்படி நடவடிக்கை எடுக்கவில்லை. சேலம் மாவட்ட மைய நூலகம் இயக்குநர் பார்வையின் போது தூய்மையாக இல்லை  என்பதுதான் நூலகர்கள் மீது எடுக்கப்பட்ட நடவடிக்கான காரணம் என்று சொல்லப்படுகிறது. 

 நூலகங்கள் படிக்கும் இடங்கள். படிக்கும் இடங்கள் தூய்மையாக வைத்துக் கொள்ள வேண்டியது அவசியம்தான். பெரும்பாலான கிளை நூலகங்களில் அலுவலக உதவியாளர் பணிபுரிந்து வந்தனர்.  அவர்கள் ஓய்வு பெற்ற பிறகு அந்த இடங்கள் நிரப்பப்படவில்லை.  நாள் ஒன்றுக்கு ரூபாய் 75 தினக்கூலி அடிப்படையில் நூலகங்களை தூய்மை செய்வதற்கு நூலர்கள் ஆட்களை நியமித்துக் கொள்ளலாம் என்ற நிலை உருவாக்கி விட்டது. 

 இருந்தாலும், பல நூலகங்களில் சிறப்புக் காலமுறை  ஊதியத்தில் பகுதி நேர தூய்மை பணியாளர்கள் பணி புரிகிறார்கள்.  இவர்களுக்கு ஊர்ப்புற நூலகர்களைப் போல் வீட்டு வாடகைப்படி, மருத்துவப்படி, ஓய்வு பெற்ற பிறகு சிறப்பு ஓய்வூதியம் என்று வழங்கப்படுகிறது.  இந்த சிறப்புக் காலமுறை ஊதியத்தில் பணிபுரியும் தூய்மைப் பணியாளர்கள் பெரும்பாலும் கிளை நூலகங்களில் தான் பணி புரிகின்றனர்.  முழு நேர நூலகங்களிலும் மைய நூலகங்களிலும் ரூ. 75 தினக்கூலி பணியாளர்கள் பணி புரிகிறார்கள். இவ்வளவு குறைந்த ஊதியம் பெறுபவர்களை  வைத்துக்கொண்டு மாவட்ட மைய நூலகர்களும், முழு நேர நூலகர்களும் தங்கள் நூலகங்களை எவ்வாறு தூய்மையாக வைத்துக் கொள்ள முடியும்?  இவர்களிடம் எவ்வளவு நேரம் வேலை வாங்க முடியும்? இதை நாம் சற்று சிந்திக்க வேண்டும். 

 சிறப்புக் காலமுறை ஊதியம்  பெரும் பகுதி நேர தூய்மை பணியாளர்களை கிளை நூலங்களில் விட்டுவிட்டு, முழு நேர நூலகங்களில் 75 ரூபாய் ஊதியத்தில் தூய்மை பணியாளர்களை நியமிக்க வேண்டிய அவசியம் ஏன்? சிறப்புக் காலமுறை  ஊதியம் பெறும் தூய்மைப் பணியாளர்களை முழு நேர நூலகங்களிலும் மைய நூலகங்களிலும் ஏன் பயன்படுத்திக் கொள்ளக் கூடாது? 

இதையெல்லாம் முழு நேர நூலகங்களில் பணிபுரியும் நூலகர்கள் சிந்தித்துப் பார்க்க வேண்டும். உதாரணத்திற்கு, தருமபுரி மாவட்டத்தை எடுத்துக் கொண்டால், மாவட்ட மைய நூலகம், அரூர், பாப்பிரெட்டிப்பட்டி, பென்னாகரம், பாலக்கோடு, பாப்பாரப்பட்டி ஆகிய முழு நேர நூலகங்களில் தூய்மை பணி செய்பவர்கள் ரூபாய் 75 பெரும் தினக்கூலி பணியாளர்கள். ஆனால், இந்த மாவட்டத்தில் 15 க்கும் மேற்பட்ட சிறப்புக் காலமுறை  ஊதியம் பெறும் தூய்மை பணியாளர்கள் கிளை நூலகங்களில் பணிபுரிந்து வருகிறார்கள். இவர்களை முழு நேர நூலகங்களில் பணியமர்த்தினால் நூலகங்களும் தூய்மையாக பராமரிக்கப்படும்;  அதே நேரத்தில் இரண்டு நூலகர்கள் மட்டும் பணிபுரியும் முழு நேர நூலகங்களில் ஒரு நூலகர் விடுப்பில் சென்றால் நூலகங்கள் மூடப்படாமல் இயங்குவதற்கு வசதியாகவும் இருக்கும். சேலம் மாவட்ட மைய நூலகத்தில் பணிபுரிந்த நூலகர்களுக்கு ஏற்பட்ட நிலை வேறு எந்த நூலகருக்கும் ஏற்படக் கூடாது.

 ஆகவே, முழு நேர நூலகங்களில் பணிபுரியும் நூலகர்கள் நலன் கருதி, மாவட்ட நூலக அலுவலர்கள் சிறப்புக் காலமுறை  ஊதியம் பெறும் பகுதி நேர தூய்மைப் பணியாளர்களை உடனடியாக முழு நேர நூலகங்களில் பணியமர்த்த வேண்டும்.  

- சி. சரவணன், ஆசிரியர், 

நூலகர் செய்திமடல்.

தென்கரை நூற்றாண்டு நூலகத்தில் வழக்கறிஞர் திரு. K.தவமணி M.A.B.L., அவர்கள்  23.09.23 அன்று  ரூபாய் 5000 செலுத்தி  பெரும் புரவலராக இணைந்த போது...

- நல்நூலகர் ஆ.சவடமுத்து.

26. 9. 2023 அன்று தருமபுரி மாவட்டத்தில் உள்ள கலைஞர் நூலகத்தினை திறந்து வைக்க வருகை தந்த மாண்புமிகு தமிழ்நாடு இளைஞர் நலன் மற்றும் விளையாட்டு துறை அமைச்சர் அவர்களிடம் ஊர்ப்புற நூலகர் சார்ந்த கோரிக்கை மனுவை   தருமபுரி மாவட்ட  ஊர்ப்புற நூலகர்கள் அளித்தனர்.

கடலூர் மாவட்டம் விருத்தாச்சலம் கிளை நூலகத்திற்கு 20/09/2023 அன்று  விருத்தாச்சலம் ஒற்றுமை இல்லம் பெரியார் நகர் வடக்கில் வசிக்கும் திரு. சி. அருள்குமார் அவர்கள் ரூ. 3000 மதிப்புள்ள  பின்குறிப்பு தகவல் பலகை ஒன்றை  இரண்டாம் நிலைநூலகர்  திரு. இரா.கொளஞ்சிநாதன் அவர்களிடம்    நன்கொடையாக வழங்கினார்.  அருகில்,  நூலகர் கு.பவித்ரா,  நூலக உதவியாளர் மா.பெருமாள் மற்றும் போட்டிதேர்வு மாணவ, மாணவியார். 

 வெற்றுச் செலவல்ல ஓய்வூதியம்!

(தி இந்து கருத்துப் பேழை - 28/09/2017)

அரசின் நலத் திட்டங்களை நடைமுறைப்படுத்துவதில் அரசு ஊழியர்களின் பங்களிப்புகள் அளப்பரியவை ஆட்சியாளர்களுக்குத் தேவைப்படும் ஆலோசனைகள், கருத்துகள், செயல்திட்டங்கள் போன்றவற்றைப் பலவகையிலும் ஆராய்ந்து அவை அரசின் கொள்கைகளாகவும் திட்டங்களாகவும் வடிவம் கொடுப்பதில் ஊழியர்களின் இரவு பகல் பாரா உழைப்பு முக்கியப் பங்கு வகிக்கிறது தேர்தல் காலம், பேரிடர் காலம், நிவாரண உதவிகள் அளித்தல், தேர்வுக்கான தயாரிப்பு மற்றும் திருத்தும் பணிகள் முதலானவற்றின்போது அந்தந்தத் துறைகள் சார்ந்த அலுவலர்கள் மற்றும் பணியாளர்கள் ஓய்வில்லாமல் உழைக்க வேண்டியிருக்கிறது. பச்சிளங்குழந்தைக்குப் பாலூட்டவோ சோறூட்டவோ இயலாமல் நெரிகட்டிக்கொண்டு தவிக்கும் பெண் ஊழியர்கள் மற்றும் ஆசிரியைகளின் அவலப்பாடுகள் சொல்லி மாளாதவை:

ஊதியம் வழங்கல் என்பது உழைப்பிற்கானது என வரிந்து கட்டிப் பேசுவதில் பயனில்லை உழைப்பிற்கு உரிய நியாயமான ஊதியத்திற்கான போராட்டமானது அனைத்து நிலைகளிலும் தொன்றுதொட்டு நடந்து வரும் துர்ப்பாக்கிய நிலையேதான் இங்கும் உள்ளது. அப்படியிருக்கும்பட்சத்தில், மிகையான உழைப் பிற்கான ஊதியத்தைக் கோருவதென்பது இயலாத ஒன்றாக உள்ளது. இக்கோரிக்கையானது ஆட்சியாளர்களும் பொதுமக்களும் ஆகப் பெரிய சமூகக் குற்றமாகப் பார்க்கப்பட்டுப் பரப்புரை செய்யப்படும் நிலையை என்னவென்பது?

 அரசு ஊழியர்களும் தொழிலாளர்களே

அரசு ஊழியர்களும் ஆசிரியர்களும் ஏனையோரைப் போன்றே வாழக் கடன்பட்டவர்கள் பன்னாட்டுத் தொழிலாளர்கள் அமைப்பு பரித்துரைக்கும் ஊதியம் மற்றும் விடுப்புகள் சார்ந்த எல்லாவித உரிமைகளுக்கும் உட்பட்டவர்கள். இவர்கள் யாவரும் தமக்குத் தாமே ஊதியங்களை நிர்ணயம் செய்து கொள்ளும் அதிகாரம் படைத்தவர்களும் அல்லர். நாட்டின் நிதிநிலைமைகளைக் கருத்தில் கொண்டு மனத்தளவில் ஒப்புக்கொண்டாலும் கூட நியாயத்திற்கு ஈற்றும் பொருந்தாதவகையில் பரிந்துரைக்கப்படும் மானியக்குழுவின் அறிக்கையிலும் ஆயிரம் குளறுபடிகள்!

இந்த நிலையில் மாநில அரசு ஊழியர்கள் மற்றும் ஆசிரியர்கள் அதன்பின் மத்திய அரசுக்கு இணையான ஊதியம் பெறுவதற்கு பல கட்டப் போராட்டங்களையும் இழப்புகளையும் எதிர் கொண்டாலும் உரிய நியாயங்கள் இதுவரையிலும் கிடைக்கவில்லை,

நமது ஊதிய முரண்பாடுகளும் வேறுபாடுகளும் சுரண்டப்படும் உழைப்பின் வலிகளையும் வேதளைகளையும் வெளிப்படுத்துவனவாக உள்ளன. இவையே ஆசிரியர்கள் மற்றும் அரசு ஊழியர்களைப் போராட்டக் களத்திற்கு இட்டுச் செல்கின்றன. மக்களையோ மாணவர்களையோ பாதிக்கச் செய்வது இத்தகையோரின் நோக்கமலை,

 புதிய ஓய்வூதியத் திட்டம்

அரசு ஊழியர்கள் அநீதிக்குள்ளாக்கப்பட்ட நியாயங்களை வெளியுலகிற்கு எடுத்துக்காட்டித் தக்க நீதியை நிலைநாட்டிடவே அறவழிப் போராட்டங்கள் முன்னெடுத்துச் செல்லப்படுகின்றன. பணிக்காலத்தில் மாத ஊதியம் மற்றும் இதர ஊதியப் பணப்பலன்களும் பணி நிறைவுக்குப் பிறகு ஒய்வூதியம் பெற ஒவ்வொரு அரசு ஊழியர்களும் ஆசிரியர்களும் தகுதியுடையவராவர்,

காலப்போக்கில் உலகமயம், தாராளமயம் மற்றும் உலக வங்கியின் நிர்ப்பந்தம் காரணமாக இந்த அடிப்படை உரிமை பறிபோனது. ஆம், ஓய்வூதியம் வழங்கும் முறையில் 2008 - 2004 ஆம் ஆண்டுகளில் பழைய நடை முறைகள் யாவும் ஒழிக்கப்பட்டு மாறாக, புதிய சீர்திருத் தங்கள் ஓய்வூதியத் திட்டத்தில் புகுத்தப்பட்டன;

குறிப்பாக, 2003 ஏப்ரல் 1 அல்லது அதற்குப் பின் தமிழக அரசுப் பணிகளில் நியமனம் பெற்ற அரசு ஊழியர்கள் மற்றும் ஆசிரியர்கள் ஆகியோர், பங்களிப்புடன் கூடிய ஓய்வூதியத் திட்டத்தில் கட்டாயமாக உட்படுத்தப் பட்டனர். இவர்களிடமிருந்து புதிய ஓய்வூதியத் திட்டத்திற்கென பங்களிப்பாக, ஒவ்வொரு பணியாளரின் அடிப்படை ஊதியம், தர ஊதியம் மற்றும் அகவிலைப்படி ஆகியவற்றிலிருந்து 10% தொகைப் பிடித்தம் செய்யப்படுகிறது. அதேவேளையில் அரசும் அதே அளவு தொகையைச் உறுதியளித்துள்ளது. செலுத்துவதை

மேலும், மொத்தக் கூடுதல் தொகைக்கு ஆண்டு தோறும் ஏனைய ஊழியர் சேம நலநிதிக்கு வழங்கப் படும் வட்டியினைத் தந்து அரசின் கருவூலக் கணக்குத் துறை, அரசு தகவல் தொகுப்பு விவர மையத்தின் உதவியுடன் இதன் கணக்குகளைப் பராமரித்து வருகிறது. இத்திட்டத்தின்கீழ் தமிழக அரசு ஊழியர்கள் மற்றும் ஆசிரியர்கள் சற்றேறக்குறைய 462,000 பயனாளிகளாக உள்ளனர்.

மறுக்கப்படும் உரிமைகள்:

இப்புதிய ஓய்வூதியத் திட்டமானது பழைய ஓய்வூதிய நடைமுறைகளிலிருந்து முற்றிலும் மாறுபட்டது. பணி ஓய்விற்குப் பின் ஓர் அரசு ஊழியர் பழைய ஓய்வூதியத் தின்கீழ் பெறும் அகவிலைப்படி மாற்றம் நிரம்பிய பணிக்காலத்தில் கடைசியாகப் பெற்ற அடிப்படை ஊதியத்தில் பாதியளவிலான ஓய்வூதியம், இறப்பிற்குப் பின் குடும்பத்தாருக்கு வழங்கப்படும் குடும்ப ஓய்வூதியம், பணிக்கொடை ஓய்வூதியத்தைத் தொகுத்துப் பெறும் நிகர ஊதியம் ஆகிய வசதிகள் புதிய பங்களிப்பு ஓய்வூதிய திட்டத்தில் அரசு ஊழியருக்கும் ஆசிரியருக்கும் மறுக்கப்படுவதாக உள்ளது.

14 ஆண்டுகால தொடர் போராட்டத்தின் விளைவாக, அண்மையில்தாள் தமிழக அரசின் நிதித்துறை செய்திக் குறிப்பில் 402,327 பேரின் பங்களிப்புத் தொகை, அரசுப் பங்களிப்புத் தொகை மற்றும் வட்டியுடன் சேர்த்து ரூ. 18, 018 கோடி ரூபாய் அரசின் பொதுக் கணக்கில் செலுத்தப் பட்டுள்ளதாகக் குறிப்பிடப் பெற்றுள்ளது.

தவிர, இத்திட்டத்தின்படி பணிநிறைவு பணிவிலகல் மற்றும் இறப்பு ஆகியவற்றினை எதிர்கொள்ளும் அரசு ஊழியர் மற்றும் ஆசிரியர் மொத்தம் சேமித்த பணத்தில் 60% தொகை மட்டுமே திரும்ப வழங்கப்படும் எனவும் மீதமுள்ள 40% பங்குச்சந்தையில் முதலீடு செய்யப்பட்டு அதிலிருந்து பெறப்படும் லாபத்தொகையிலிருந்து குறிப்பிட்ட அளவிலான தொகை ஓய்வூதியமாக அளிக்கப்படும் எனவும் சொல்லப்படுகிறது.

இதுபோன்ற நடைமுறையை மத்திய மற்றும் மாநில அரசு ஊழியர்கள் மற்றும் ஆசிரியர்கள் எதிர்நோக்கி உள்ளனர். விதிவிலக்காக திரிபுரா மற்றும் மேற்கு வங்கம் ஆகிய மாநிலங்களில் மட்டும் பழைய ஓய்வூ தியத் திட்டம் இன்னும் தொடர்கிறது.

அறுபது வயதை எட்டுவோர் மிச்சமுள்ள ஏனைய காலங்களில் இளம் வயதினர் போல் ஓடியாடி உழைத்திட இயலாது. புதிய திட்டத்தின்கீழ் பணி ஓய்வுப் பெற்றோரைக் கொண்டாடிடும் இனிய தருணங்கள் பழங்கதைகளாகவோ கற்பனைகளாகவோ எதிர்பார்ப்புகளாகவோ மட்டுமே இருக்கும். இப்படி கைவிடப்பட்டவர்களால் ஆயிரமாயிரம் நெஞ்சைப் பிளக்கும் கண்ணீர்க் கதைகள் ஓலமிட்டுக் காற்றில் பிசு பிசுக்கும் அரசி நிர்வாகம் தலைசிறக்க தம் ஆயுள் முழுவதையும் அர்ப்பணித்துக்கொண்ருக்கும் அரசு ஊழியர்கள் மற்றும் ஆசிரியர்களின் இருண்ட வாழ்க்கைக்கு இந்த இரு அரசுகளின் கைமாறுதான் என்ன?

முப்பது ஆண்டுகளுக்கு மேலாக அரசுக்கு உழைத் தோருக்கான வெற்றுச் செலவு அல்ல ஓய்வூதியம் மூத்த குடிமக்களை நிம்மதியாகவும் மரியாதையுடனும் வாழ வழிவகுக்கும் உபரி ஊதியம் அவ்வளவே....!

- மணி. கணேசன், தொடர்புக்கு: mani_ganesan@ymail.com. பணிநிறைவு பாராட்டு விழா

கடலூர் மாவட்ட நூலக ஆணைக்குழுவின் கீழ் இயங்கும் விருத்தாச்சலம் முழு நேர கிளை நூலகத்தின் அலுவலக உதவியாளர் பதவியிலிருந்து பதிவறை எழுத்தராக பதவிஉயர்வு பெற்ற திரு.மா.பெருமாள் அவர்களுக்கு  பதவிஉயர்வு பாராட்டுவிழா மற்றும்  பணிநிறைவு பாராட்டுவிழா  30/09/2023 சனிக்கிழமை மாவட்ட நூலக அலுவலர் (பொ) திரு சி.கணேசன்  அவர்கள் தலைமையில், மாவட்ட மைய  நூலகர் (பொ) திரு. ஆர். சந்திரபாபு அவர்கள் முன்னிலையில்  வெகு சிறப்பாக விருத்தாச்சலம்  ஊதிய மைய நூலகத்தில் நடைபெற்றது. முன்னதாக. இரண்டாம் நிலை நூலகர் திரு. இரா.கொளஞ்சிநாதன் அனைவரையும் வரவேற்றார். கடலூர்  இருப்பு சரிபார்ப்பு அலுவலர் திரு. சி.சங்கர்  மேனாள் அரசு கலைக் கல்லூரி நூலகர் திரு. மாணிக்க சிவகாமி வாழ்த்துரை வழங்கினார். கடலூர்  ஊதிய மைய நூலகத்தை சேர்ந்த நூலகர்கள் திரு. எம்.சந்திரசேகரன்,   மா.ஆறுமுகம்,  வைரமணி, திருமதி வீ.விக்டோரியா,  மீனா, சிதம்பரம் ஊதிய மைய நூலகத்தை சேர்ந்த ஊதிய மைய நூலகர் திரு. இர.அருள், கு.சிவக்குமார்,  மு.ஜான் பிரிட்டோ, க.விநாயகம்,  விருத்தாசலம் ஊதிய மைய நூலகத்தை சேர்ந்த நூலகர்கள் திரு பி.வீராசாமி, கே.கணேசன், வீ.பாலகிருஷ்ணன், எ.தனராஜ்பிரபு, திருமதி ஆர்.இளவரசி, கு.பவித்ரா, எம்.சித்ரா, பா.தேவகி, வீ.சிவகெங்கா, ஏ.பெரியசாமி,  ஜெ.ஜெயபிரகாஷ், நாராயணன், எஸ்.ராஜேந்திரன்,  டி.லட்சுமி,  எம்.சித்ரா, பி.சிவசங்கரன், எஸ்.ராஜேஸ்வரி  உள்ளிட்ட  நூலகர்கள் வாழ்த்துரை வழங்கினர்.  முன்னாள்  மாவட்ட நூலக அலுவலர் பெ.விஜயலட்சுமி சிறப்புரையாற்றினார். விழா மிக சிறப்பாக இசை நிகழ்ச்சியுடன் தொடங்கியது. திட்டக்குடி நூலகர் திரு. பி.சண்முகம்  தொகுத்து வழங்கினார்.  விழாவின் நாயகன்  திரு.மா.பெருமாள் ஏற்புரை வழங்கினார்.  கடலூர் மாவட்ட நூலகப் பணியாளர்கள் சார்பில் கணையாழியும், விருத்தாச்சலம் ஊதிய மைய நூலகர்கள் சார்பில் நினைவுப் பரிசும் போட்டித் தேர்வு மாணவ மாணவிகள் சார்பில் நினைவுப் பரிசும் வழங்கப்பட்டன.   வாசகர்கள் மாணவர்கள்  மாணவிகள்  நண்பர்கள்  உறவினர்கள் என திரளானோர் கலந்து கொண்டனர். விழாவின் முடிவில்  மங்கலம்பேட்டை நூலகர் திரு.கே.மனோகரன்  நன்றியுரை நல்க விழா நிறைவு பெற்றது. நிகழ்ச்சிக்கான ஏற்பாடுகளை  விருத்தாச்சலம் ஊதிய மைய நூலகர்கள் செய்தனர்.

தருமபுரி புத்தகத் திருவிழாவில்...

மாவட்ட படைப்பாளர்களின் நூல்கள் வெளியீட்டு விழா - தலைமை உரை.

தகடூர் புத்தகப் பேரவை செயலாளர் முள்ளாள் நாடாளுமன்ற உ றுப்பினர் அவர்களுக்கு சிறப்பு செய்தபோது...  

 தேர்தல் வாக்குறுதிகள் குறித்து முதல்வர் தொடர்ந்து மவுனம் ஏன்???

 தமிழ்நாடு அரசு ஊழியர் சங்கம் கேள்வி!

 _மதுரை, செப்.23-_ 

“அரசு துறைகளை தனியார்மயமாக்கும் உத்தரவுகளை ரத்து செய்ய வேண்டும். தேர்தல் வாக்குறுதிகள் குறித்து முதல்வர் ஸ்டாலின் தொடர்ந்து மவுனம் காப்பது ஏன் என, மதுரையில் தமிழ்நாடு அரசு ஊழியர் சங்க  பொதுச்செயலாளர் ஆ.செல்வம் கேள்வி எழுப்பினார்.

புதிய ஓய்வூதியத் திட்டத்தை ரத்து செய்தல், காலியிடங்களை நிரப்புதல் உள்ளிட்ட பல்வேறு கோரிக்கைகளை வலியுறுத்தி அரசு ஊழியர், ஆசிரியர் சங்கத்தினர் நீண்ட காலமாக போராடி வருகின்றனர். தமிழக அரசு அவர்களை அழைத்துப் பேசுவதும், பின் கோரிக்கைகளை கிடப்பில் போடுவதுமாக உள்ளது.

தற்போது அவர்களின் கோரிக்கைகளில் அரசு துறைகளை தனியார்மயமாக்குவது போல, பணியிடங்களில் நிரந்தர ஊழியரை நியமிக்காமல், வெளிமுகமை (அவுட் சோர்ஸிங்) மூலம் நியமிக்க அரசு உத்தரவு வெளியிடுவதால் சங்கத்தினர் ஏமாற்றம் அடைந்துள்ளனர்.

இதுகுறித்து அரசு ஊழியர் சங்க மாநில பொதுச்செயலாளர் ஆ.செல்வம் கூறியதாவது:

 கடந்தாண்டு வெளியிடப்பட்ட அரசாணைகள் 115, 139, 152, இந்தாண்டு அரசாணை எண் 297 ஆகியவை அரசு துறைகளை தனியார்மயமாக்குவது போல உள்ளது. இதனால் இளைஞர்களுக்கான லட்சக்கனக்கான வேலைவாய்ப்பு பறி போகும் நிலை உள்ளது. எதிர்க்கட்சி தலைவராக ஸ்டாலின் இருந்தபோது பழைய ஓய்வூதியத் திட்டத்தை அமல்படுத்துவது உட்பட பல்வேறு கோரிக் கையை நிறைவேற்றுவதாக தெரிவித்தார்.

தற்போது பதவிக்கு வந்த இரண்டு ஆண்டுகளில் ஆறு முறை சந்தித்து பேசியும் தேர்தல் கால வாக்குறுதிகளை நிறைவேற்றவில்லை. கடந்த ஆட்சியில் தொழிற்சங்கத்தினரை அழைத்துப் பேசுவதில்லை. தற்போது அழைத்துப் பேசினாலும் நிராகரிக்கின்றனர். இதனால் அரசு ஊழியர்கள், ஆசிரியர்கள் கடும் அதிருப்தியில் உள்ளனர்.

இந்நிலையில் அரசு துறைகளில் சி மற்றும் டி பிரிவுகளில் ஊழியர்களை வெளிமுகமை மூலம் நியமிக்கின்றனர். இதனால் வேலைப்பளு அதிகரிக்கிறது. மாநிலத்தில் 6.5லட்சம் காலிப்பணியிடங்கள் உள்ளன. தற்போது  55 ஆயிரம் பணியிடங்களை நிரப்ப உள்ளதாக கூறுகின்றனர். இந்நடவடிக்கையை துரிதப்படுத்த வேண்டும். தனியார்மயப் படுத்தும் அரசாணைகளை முழுமையாக ரத்து செய்ய வேண்டும். இதனை வலியுறுத்தி அக். 7 ல் செங்கல்பட்டில் மாநில பேரவை கூட்டம் நடத்தி போராட்டம் குறித்து திட்டமிடுவோம் என்றார்.'

23/09/2023 தினமலர் நாளிதழ் தமிழ்நாடு அரசு ஊழியர் சங்க பொதுச்செயலாளர் ஆ.செல்வம்  செய்திக்குறிப்பு.

22.09.23 அன்று  செங்கல்பட்டு மாவட்டம் மதுராந்தகம் அருகே உள்ள கற்பக விநாயகர் பொறியியல் கல்லூரியில் நடைபெற்ற மாபெரும் தமிழ்க் கனவு நிகழ்ச்சியில்  சிறப்பு விருந்தினராக கலந்து கொண்ட எழுத்தாளர் மனுஷ்ய புத்திரன் அவர்களுக்கு மாவட்ட நூலக ஆய்வாளர்  நினைவு பரிசு வழங்கியபோது ... 

பெரியார் பிறந்த தினத்தில் நூலகத்திற்கு மின்விசிறி நன்கொடை 

பெரியார் பிறந்த நாளை  முன்னிட்டு மணலூர்பேட்டை திராவிடர் கழகத்தினர்  17.09.2023 அன்று  மணலூர்பேட்டை கிளை நூலக   வாசகர்களின் பயன்பாட்டிற்காக ரூ. 2000 மதிப்புள்ள மின் விசிறியை நல்நூலகர் மு.அன்பழகன் முன்னிலையில் வாசகர் வட்டத் தலைவர் கு.ஐயாக்கண்ணு அவர்களிடம் சி.அய்யனார் வழங்கினார். உடன் மு.இளங்கோவன், ம.கணபதி, வை.சேகர், பா. சக்தி, அ.தமிழரசன், பி.முனியன் ஆகியோர் உடனிருந்தனர்.

விராலிமலை கிளை நூலகத்தில்  20.9.2023 அன்று நடைபெற்ற ஆறு ஒர்க் பயிற்சி வகுப்பில் 20 மகளிர் நூலக  உறுப்பினராக இணைந்தனர். அவர்களுக்கு   வாசிப்பின் அவசியம் கூறித்து நூலகர் ஜெயராஜ்  எடுத்துக்கூறி போது...   

புரவலர் சேர்க்கை

 சிலுக்குவார் பட்டி தெற்கு காளியம்மன் கோவில் பகுதியைச் சேர்ந்த தம்பதியினர் ஏ .சரவணன் - M. ஷோபனா  தங்கள் மன நாளை முன்னிட்டு சிலுக்குவார் பட்டி கிளை நூலகத்தின் நல் நூலகர் ஆர். தங்கப்பாண்டி முன்னிலையில் ரூ.1000/- செலுத்தி 43 வது புரவலராக  சேர்ந்து கொண்டனர். மணமக்களுக்கு ஜெகன்மோகன் அவர்கள் எழுதிய அறம் என்னும் புத்தகம் பரிசாக வழங்கப்பட்டது. மேலும், சிலுக்குவார் பட்டியில் இன்று திறப்பு விழா காணும் தாய் டிபார்ட்மெண்ட் ஸ்டோர் உரிமையாளர் திரு. ஜோ. வென்னிஸ் அவர்கள் ரூபாய் 1000-/-செலுத்தி நூலகத்தின் 44 வது புரவலராக தன்னை இணைத்துக் கொண்டார் என்பதை மகிழ்ச்சியுடன் தெரிவித்துக் கொள்கிறோம்.

திருவண்ணாமலை மாவட்டம், வெம்பாக்கம் வட்டம், செய்யாறு  அடுத்த பெருங்கட்டூர் ஊர்புற நூலகத்தில் காந்தி ஜெயந்தி முன்னிட்டு மாணவர்களுக்கு பேச்சுப் போட்டி பரிசளிப்பு விழா நடைபெற்றது. நிகசிக்கு  ஓய்வு ஆசிரியர் சாலை குப்புசாமி அவர்கள் தலைமை வகித்தார்.  சிறப்பு அழைப்பாளராக தன்னம்பிக்கை பயிற்சியாளர் தி.வடிவேல் கலந்து கொண்டு மாணவர்களுக்கு காந்தியின் நற்பண்புகள் எடுத்துக் கூறினார்.  மாணவர்கள் காந்தி வேடமணிந்து பேச்சு போட்டியில் கலந்துகொண்டனர்,  கலந்து கொண்ட அனைத்து மாணவர்களுக்கும் பரிசு  வழங்கப்பட்டது. நிகழ்ச்சிக்கான ஏற்பாடுகளை நூலகர்  ஜா.தமீம் செய்திருந்தார்.

நூலகர்கள் தங்கள் நூலகங்களில் நடைபெறும் நிகழ்ச்சிகள் பற்றிய  செய்திகள்,  கவிதை, சிறுகதை, கட்டுரை, நகைச்சுவை, துணுக்கு செய்திகள் போன்ற படைப்புக்களையும் எழுதி அனுப்பலாம். 

மின்னஞ்சல்:  noolagarseithi@gmail.com

வாட்ஸ் ஆப் :  8668192839.

இந்த இதழ் பற்றிய தங்கள் கருத்துகளை கீழே உள்ள பெட்டியில் பதிவு செய்யுமாறு அன்புடன் கேட்டுக் கொள்கிறேன். நன்றி வணக்கம்.