நூலகர் செய்திமடல் 26

  ஆசிரியர் உரை: 

அனைவருக்கும் வணக்கம்.
மழை நீரில் நனைத்து பயன்படுத்த முடியாத நிலையில் இருக்கும் புத்தகங்களை இருப்பு நீக்கம் செய்ய வேண்டும்:

சென்னை, செங்கல்பட்டு, காஞ்சிபுரம் மாவட்டங்களில் பெய்த கனமழை காரணமாக குடியிருப்பு பகுதிகளில் வெள்ளம் சூழ்ந்தது.  வீடுகளில் மழை நீர் புகுந்ததால் வீட்டில் இருந்த பொருட்கள் நாசமாகியுள்ளன. இந்த பகுதிகளில் இருக்கும் நூலகங்களிலும் மழை நீர் புகுந்திருக்க வாய்ப்பு உள்ளது. புத்தகங்கள் நனைந்து நாசமாகி இருக்கலாம். இதை வெளியில் எப்படி சொல்வது என்று நூலகர்கள் தயங்க வேண்டாம். மழை நீரில் நனைந்து பயன்படுத்த முடியாத நிலையில் இருக்கும் புத்தகங்களின் பட்டியலை (புதிய புத்தகங்களாக இருந்தாலும்) மாவட்ட நூலக அலுவலருக்கு அனுப்பி இரும்பு நீக்கம் செய்யுங்கள்.  

பழுதடைந்த தளவாடங்கள் இருப்பு நீக்கம் செய்ய வேண்டும்:

பெரும்பாலான நூலகங்களில் பழுதடைந்த தளவாடங்கள் இடத்தை அடைத்துக் கொண்டு இருக்கின்றன. இவற்றைப் பட்டியல் இட்டு, மாவட்ட நூலக அலுவலருக்கு அனுப்பி, இரும்பு நீக்கம் செய்ய நூலகர்கள் முயற்சி செய்யலாம். பழுதடைந்த தளவாடங்களுக்கு மாவட்ட நூலக அலுவலர்கள் சான்றொப்பம் அளிப்பதில்லை என்று பல மாவட்டங்களில் இருந்து செய்திகள் வருகின்றன. புதிய புத்தகங்களை வைக்கவே பல நூலகங்களில் இடவசதி இல்லாத நிலையில் பழுதடைந்த தளவாடங்களை வைத்திருப்பதால் எந்த பயனும் இல்லை. மாவட்ட நூலக அலுவலர்கள் இதில் தனிக் கவனம் செலுத்துவது அவசியம்.

பழைய பதிவேடுகள் அழிக்க வேண்டும்: 

பெரும்பாலான நூலகங்களில் 20 ஆண்டுகளுக்கும் மேலாக வாசகர் வருகைப் பதிவேடு, கலந்தாய்வு பதிவேடு, நூல் இரவல் பதிவேடு, பத்திரிகைகள் வரவு பதிவேடு போன்ற முக்கியத்துவம் இல்லாத பதிவேடுகள் கட்டி வைக்கப்பட்டுள்ளன.  இது போன்ற முக்கியத்துவம் இல்லாத பதிவேடுகள் 5 ஆண்டுகளுக்கு மேல் வைத்திருக்கத் தேவையில்லை. இவற்றை நீக்க அனுமதி கோரி மாவட்ட நூலக அலுவலருக்கு நூலகர்கள் கடிதம் எழுதி நீக்க வேண்டும். அப்போது தான் நூலகம் பார்ப்பதற்கு அழகாக இருக்கும்.

பல நூலகங்களில் பழைய பதிவேடுகள், பழுதடைந்த தளவாடங்கள், பழுதடைந்த நூல்கள் என்று தேவையற்ற பொருட்கள் நூலடுக்களின் மீது வைக்கப்பட்டிருப்பதை பார்க்க முடிகிறது. இவற்றை எல்லாம் நீக்கிவிட்டு நூலகத்தை அழகாக வைத்துக்கொள்ள நூலகர்கள் முன்வர வேண்டும். நூலகர்களின் முயற்சிக்கு மாவட்ட நூலக அலுவலர்கள் ஆதரவாக இருப்பார்கள் என்று நம்புகிறேன். 

நன்றி. மீண்டும் சந்திப்போம்.

• சி.சரவணன், ஆசிரியர், 

நூலகர் செய்திமடல், 8668192839. 9442265816.

பாரதியை ஜதி பல்லக்கில் ஏற்றி சகல மரியாதை:

பாரதி எட்டயபுரம் அரசருக்கு எழுதிய ஓலைத் தூக்கில் தன்னை ஜதி பல்லக்கில் ஏற்றி சகல மரியாதைகளுடன் சால்வை அணிவித்து பொற்கிழி தந்து சிறப்பிக்க வேண்டும் எனக் கேட்டார்.நூற்றி மூன்று ஆண்டுகள் கடந்தும் அந்த ஆசை நிறைவேற்றப்படவில்லை.

அதை நிறைவேற்ற கம்பம் பாரதி தமிழ் இலக்கியப் பேரவை மற்றும் கிளை நூலக வாசகர் வட்டம் சார்பில் பாரதி பிறந்த நாளில் எட்டயபுரத்தில் பாரதி வேடமிட்ட குழந்தையை ஜதி பல்லக்கில் ஏற்றி சகல மரியாதைகளுடன் முத்துக் குடை, பொற்கிழி, சால்வை யு டன் புகழ் முழக்கங்கள் எழுப்பி எட்டயபுரத்தை சுற்றி வந்து  பாரதியின் கனவை நிறைவேற்றியது.

தினமணி நாளிதழில் அதுபற்றிய செய்திகள் டம் கட்டி வெளியிடப்பட்டது.

பாரதி அன்பர்கள் பலரும் பாராட்டினர்.

- கவிஞர் பாரதன் தலைவர், 

பாரதி தமிழ் இலக்கியப் பேரவை & 

வாசகர் வட்டம், கம்பம்.

தென்காசி மாவட்ட மைய நூலக கட்டட அடிக்கல் நாட்டுவிழா...

தென்காசி மாவட்ட மைய நூலக கட்டட அடிக்கல் நாட்டுவிழா...

மாவட்ட நூலக அலுவலர் அலுவலகம் & மாவட்ட மைய நூலகம் தொடக்கம்...

பரிசுகள் வழங்கல்...

மதிப்புக்குரிய இணை இயக்குநர் அவர்களின் பிரஸ் மீட் ...

என நம் துறையின் பெருமைமிகு விழா இனிதே நிறைவுற்றது....

வழிகாட்டிய..

இயக்குநர் அவர்கள்..

இணை இயக்குநர் அவர்கள்...

துணை இயக்குநர் அவர்கள்..மாவட்ட நூலக அலுவலர் அவர்கள்..

தென்காசியில் மாவட்ட மைய நூலகத்திற்கு அனைத்தும் கிடைக்க உதவிய மதிப்புக்குரிய மாவட்ட ஆட்சித்தலைவர்...

முதன்மை கல்வி அலுவலர்

மற்றும் அரசுத்துறை அலுவலர்கள்...

வாசகர் வட்டத்தினர்..

உடன் பணிபுரியும் நூலக 

சகோதரர் சகோதிரிகள்..

பணியாளர்கள்.. பத்திரிக்கை நண்பர்கள்

என அனைத்து நல்ல உள்ளங்களின் ஆதரவில் அடிக்கல் நாட்டுவிழா இனிதே நடந்தது... 

புதிய சகாப்தம் தென்காசியில் தொடங்கி உள்ளது...

- நன்றியுடன்,

சூ.பிரம நாயகம்

தருமபுரி மாவட்ட நூலக அலுவலகத்தில் கண்காணிப்பாளராக கடந்த ஆறு ஆண்டுகளுக்கு மேலாக பணிபுரிந்து வந்த  திரு. திருமலை குமாரசுவாமி அவர்கள் பணியிட மாறுதல் பெற்று தென்காசி மாவட்டத்தில் உள்ள நூலக அலுவலர் அலுவலகத்திற்கு செல்வதால் அவருக்கு தமிழ்நாடு பொது நூலகத் துறை அலுவலர் சங்கத்தின் சார்பில்  வாழ்த்துக்கள் கூறப்பட்டது. இந்நிகழ்ச்சியில்  மாநிலத் தலைவர் தீ. சண்முகம் மேனாள் மாநிலச் செயலாளர் சி. சரவணன் மாவட்டத் தலைவர் மு. முனி ராஜ்  மாவட்ட பொருளாளர் சரவணகுமார் மற்றும் சங்க நிர்வாகிகள்  குமரன், தங்ஙம்மாள், சிவகாமி, பத்மா, இராமச்சந்திரன், மாதையன் உள்ளிட்டோர் கலந்து கொண்டனர். 

              -  தீ. சண்முகம்

வங்கியில் சம்பள கணக்கு வைத்திருப்பவர்கள் கவனத்திற்கு... 

வங்கியில் சம்பள கணக்கு வைத்திருப்பவர்கள் கவனத்திற்கு... தங்களது வங்கிக் கணக்கினை சம்பள கணக்காக மாற்றாதவர்கள் உடன் மாற்றிக்கொள்ள அறிவுறுத்தப்படுகிறது... சம்பள கணக்கு வாடிக்கையாளர்களுக்கு விபத்து காப்பீடாக ரூ.50 லட்சம் வங்கியின் மூலம் வழங்கப்படுகிறது.  தகவலுக்காக 

 

அருமை நண்பர் திரு. த.இளங்கோ அவர்கள்  7 /12/ 2023 அன்று ராமநாதபுரம் மாவட்ட பொறுப்பு மாவட்ட நூலக அலுவலராக பொறுப்பேற்றுக் கொண்டார். அவருக்கு நூலகர் செய்தி மடல் சார்பில் வாழ்த்துகளை தெரிவித்துக் கொள்கிறேன். 

-சி. சரவணன், ஆசிரியர், 

நூலகர் செய்திமடல்.

தருமபுரி மாவட்டம், கடகத்தூர் கிளை நூலகத்தில் 05.12.2023 அன்று கடகத்தூர் ஊராட்சி மன்றத் தலைவர் திரு. இரா.ஐவண்ணன்  கடகத்தூர் கிளை நூலகத்தில் 69-வது புரவலராக ரூபாய்  1000/- செலுத்தினார். கடகத்தூர்  ஊராட்சி  மன்ற செயலர் திரு. ந.  சரவணகுமார்  கடகத்தூர் கிளை நூலகத்தில் 70- வது புரவலராக  ரூபாய் 1000/-செலுத்தினார். கடகத்தூர் கிளை நூலகத்தில் இன்று  இரண்டு  புரவலர்கள் தலைவர், செயலர் நூலகர் திரு. மு. முனிராஜ் முன்னிலையில் இனணந்துக்கொண்டனர்.

செங்கோட்டை நூலகத்தில் நீதிக்கதை சொல்லும் போட்டி

           செங்கோட்டை நூலகத்தில் வைத்து நூலக வார விழாவை முன்னிட்டு நீதி கதை சொல்லும் போட்டி நடைபெற்றது 12 பள்ளியில் இருந்து 88 மாணவர்கள் கலந்து கொண்டனர்.

தென்காசி மாவட்ட மைய நூலகத்திற்கு பள்ளி மாணவர்கள் வருகை!

        தென்காசி நகரில் 1961 ஆம் ஆண்டு முதல் செயல்பட்டு வரும் வ.உ.சி வட்டார நூலகம் தற்பொழுது மாவட்ட மைய நூலமாக தரம் உயர்ந்து செயல்பட்டு வருகிறது. தென்காசி நூலகத்திற்கு நீண்ட காலமாக அரசு மற்றும் தனியார் மெட்ரிக் பள்ளி மாணவர்கள் வருகை புரிந்து  வருகின்றனர்.

தற்பொழுது மாவட்ட மைய நூலகமாக தரம் உயர்ந்துள்ள நிலையில், தென்காசி கிரீன் பார்க் பள்ளியை சார்ந்த மாணவர்கள்  ஆசிரியர்கள் சங்கரேஸ்வரி, ரெய்கானா, பத்மா, சுபா ஆகியோருடன் வருகை புரிந்தனர். அவர்களை தென்காசி மாவட்ட மைய நூலக முதல் நிலை நூலகர் முனியப்பன் மைய நூலகர் பிரமநாயகம் சுந்தர் கடையநல்லூர் நூலகர் நாகராஜ் அய்யாபுரம் நூலகர் பாலசுப்ரமணியம் பணி நிறைவு நூலகர் பரமசிவன் உள்ளிட்டோர் வரவேற்றனர். பள்ளி மாணவர்களுக்கு தென்காசி நூலகம் மூலம் செய்யப்பட்டு வரும் பணிகள் போட்டி தேர்வுகளுக்கு பயிற்சி பள்ளி மாணவர்களுக்கு அனைத்து விதமான போட்டிகள், நூலக புத்தக திருவிழா, புத்தக கண்காட்சி, நூலகத்தின் தினசரி செயல்பாடுகள் குறித்து விரிவாக எடுத்து உரைக்கப்பட்டது.

மாணவர்கள் பத்திரிக்கை பகுதி, குறிப்பு உதவி பகுதி, பெண்கள் பகுதி, சிறுவர் பகுதி, போட்டி தேர்வுக்கு படித்து வரும் மாணவர்கள் பகுதி, கணிப்பொறி பகுதி என அனைத்து பிரிவுகளையும் சுற்றி பார்த்தனர். இறுதியில் நூலகர் பிரமநாயகம் பள்ளி மாணவர்களிடையே நூலகதின் பயன்கள் பற்றி எடுத்துரைத்தார்.

முதல் நிலை நூலகர் முனியப்பன் தலைமையில்  அனைத்து மாணவர்களுக்கும்  புத்தகங்கள் பரிசாக வழங்கப்பட்டன. வினாடி வினாவில் சிறப்பிடம் பெற்ற மாணவர்கள் பிரியங்கா, ராகுல், சுபஸ்ரீ, காளிதாஸ், காஜா முகம்மது, புத்தக வாசிப்பில் வெற்றி பெற்ற வாணிஸ்ரீ, திருமலைவாசன் ஆகியோர்க்கு மெடல் வழங்கி பாராட்டப்பட்டது விழாவினை நூலகர்கள் ஜூனியர் ராஜ செல்வி நிகஹ்மதுனிஸா  வாசகர் வட்ட நிர்வாகிகள் குழந்தை ஜேசு முருகேசன் செய்திருந்தனர்.

ஜம்பை அரசு நடுநிலைப் பள்ளியில் பணியாற்றி வரும் கனவு ஆசிரியர் விருது பெற்ற இடைநிலை ஆசிரியர் திரு. ஏ.வினோத்குமார் வழிகாட்டுதலின்படி  எடுத்தனூர் அரசினர் மேல்நிலைப் பள்ளியில் படித்து வரும் பெரியமணியந்தல் கிராமத்தை சேர்ந்த மாணவிகள் மணலூர்பேட்டை கிளை நூலகத்திற்கு வருகை தந்து நூல்களை வாசித்தனர். பின்னர் அந்த மாணவிகள் அனைவரும் நூலகத்தில் குடும்ப உறுப்பினர்களாக இணைந்தனர். குடும்ப உறுப்பினருக்கான தொகையை ஆசிரியர் ஏ.வினோத்குமார் அவர்கள் வழங்கினார். அவருக்கு பொது நூலகத் துறை சார்பில் பாராட்டுகளையும் வாழ்த்துகளையும் தெரிவித்துக் கொள்கிறோம்💐

- நூலகர் மு. அன்பழகன்.

 

காமிக்ஸ் மொழிபெயர்ப்பு எழுத்தாளரும், தலைமைக் காவலருமான ஜான்சைமன் ( Jsc Johny ) அவர்கள் தனது பிறந்த நாளை முன்னிட்டு மணலூர்பேட்டை  கிளை  நூலகத்திற்கு தமிழ் காமிக்ஸ் நூல்களை நன்கொடையாக வழங்கினார்.

திருவண்ணாமலை மாவட்டம் கிழக்கு காவல் நிலையத்தில் சட்டம் ஒழுங்கு பிரிவில் தலைமைக் காவலராக பணியாற்றி வரும் மணலூர்பேட்டையைச் சேர்ந்த ஜான் சைமன், தனது பிறந்த நாளை முன்னிட்டு மணலூர்பேட்டை கிளை நூலகத்திற்கு நேரில் வருகை தந்து லோன் உல்ப் பதிப்பகம், தோர்கள் நாயகன் பதிப்பகம் பல்லடம் சரவணகுமார் மற்றும் தமிழ் காமிக்ஸ் வாசகர் வட்டம்  சொக்கலிங்கம் பன்னீர்செல்வம், விஜயா சின்னப்பன், ஜான் சைமன் ஆகியோர் வழங்கிய தமிழ் காமிக்ஸ்  நூல்களை நல்நூலகர் மு.அன்பழகன் அவர்களிடம்  வாசகர்களின் பயன்பாட்டிற்கு நன்கொடையாக வழங்கினார்.

14.12.2023 அன்று தருமபுரி மாவட்டம்  அதியமான் கோட்டை கிளை நூலக வளர்ச்சிக்காக வாசகர் வட்டத்தின் மூலம் ஒரு புரவலர் சேர்க்கப்பட்டது. 

புரவலர் முகவரி: கி.காளியப்பன், TNCSC(ஓய்வு), அதியமான் கோட்டை.

- கோ.கணேசன், 

மூன்றாம் நிலை நூலகர், 

அதியமான் கோட்டை.

11.12.23 அன்று திருநெல்வேலி மாவட்டம் திருநெல்வேலி நகர் முதல் நிலை நூலகத்தில் முதல்நிலை நூலகராக பணி ஏற்றுள்ள திரு. ரா. செல்வ சுப்பிரமணியன் அவர்களை முதல் நிலை நூலகத்தின் பணியாளர்கள் சார்பில் வரவேற்ப்பு அளிக்கப்பட்டது.